Chahay tu kaam main la, Chahe nikama karde,

Chahay tu kaam main la, Chahe nikama karde,
Main tera hoon, teri marzi mujhr jesa karde,
Tera bemar hoon azloon say, Na mar jaon kahin,
Ek nazar dekh lay mujh ko mujhe acha karde,
Tujh se bas itni he khuwahish mere malik ki hai,
Us ke dil ko main Lubhaa loon mujhe aesa karde,
Jo tera ho ga zamanay se wo kat jaye ga,
Tu to jis shaks ko chahe usey tanha karde,
Aesa noor ayee ke dunia mera chehra dekhe,
Tu jo palkon ka mere Chehray pay saya karde,
Wo khuda tujh se faqeeron ki to sun leta hai,
Us se kehna k mujhay ishq main Ruswa karde,
Mujh ko deta hay wo izat, yeh karam hai uska,
Tere bas main ho agar tu mujhay Ruswa karde..

Advertisement