hain aankhein jheel si chehra kitaab jaisa hai

hain aankhein jheel si chehra kitaab jaisa hai
k meray yar ka her naqsh khawab jaisa hai

kisi bhi baat par ab bheegti nahi aankhen
k apna haal bhi sookhay chanaab jaisa hai

ye aarzu hai kabhi to andheri shab meri milay
wo ak shakhs k jo mahtaab jaisa hai

ye saaz.e.jaan to khamosh ek umer se hai
agarcha lehja abhi tak rubaab jaisa hai

main us k husn ki tareef kis tarha se karun
wo aftaab sa wo mahtaab jaisa hai

Advertisement