Har taraf phaili thi us ki yaad jungle ki tarah,

Har taraf phaili thi us ki yaad jungle ki tarah,
Main guzar kar ageya hoon urrtey huye baadal ki tarah,
Aik lamhey ko judaa honey de mumkin hi nahin,
Dheyaan rakhti hai mera woh apne aanchal ki tarah,
Muskuraa kar dekhti hai jab woh khirki se kabhi,
Aik khawhish dil main khil jati hai kompal ki tarah,
Choti choti baton per roney ki aadat hai usey,
Aur ankhon mein mujhe rakhti hai kaajal ki tarah,
Jab bhi paani phenkti hai woh shararat mein Hassan,
Jism lagta hai mujhe bheegey huye thall ki tarah..

Advertisement