jab se us ne shahar ko choda har rasta sunsan hua

jab se us ne shahar ko choda har rasta sunsan hua
apana kya hai sare shahar ka ik jaisa nukasan hua
mere hal pe hairat kaisi dard ke tanha mausam mein
pathar bhi ro padate hain insan to phir insan hua
us ke zakhm chupa kar rakhiye khud us shakhs ke nazron se
us se kaisa shikwa kije wo to abhi nadan hua
yun bhi kam aamez tha “mohsin” wo is shahar ke logon mein
lekin mere samane aakar aur hi kuch anjam hua

Advertisement