JhuuTaa Niklaa Qaraar Teraa

JhuuTaa Niklaa Qaraar Teraa
Ab Kisko Hai Aitbaar Teraa

Dil MeN Sau Laakh ChuTkiyaaN LiiN
Dekhaa Bas Ham Ne Pyaar Teraa

Dam Naak MeN Aa Rahaa Thaa Apne
Thaa Raat Ye Intizaar Teraa

Kar Jabr JahaaN Talak Tuu Chaahe
Meraa Kyaa, IKhtiyaar Teraa

LipTuuN HuuN Gale Se Aap Apne
SamjhuuN HuuN Ki Hai Kinaar Teraa

“Insha” Se Mat RuuTh Mat Khafaa Ho
Hai Bandaa Jaanisaar Teraa…

Advertisement