Mein Aadmi hoon aam sa

Mein Aadmi hoon aam sa
Ek Qissa na-tamam sa.

Na lehja be-misal hai
Na baat mein kamal hai

Hoon dekhney mein aam sa
Udasion ki shaam sa,

jaisey k ek raaz hoon
Khud se be-niaz hoon

Na mehjabeeno se Rabt hai
Na Shuhraton ka zabt hai

Ranjha na qais hoon
Insha na Faiz hoon

Mei paiker-e-ikhlas hoon
Wafa, dua aur aas hoon
Mein shakhs khud-shnas hoon

TUM HI KARO KOI FAISLA !

Mei aadmi hoon AAM sa !!
Ya
Phir bohat hi “KHAAS” hoon !!!

Advertisement