Suna Hy Janglon Ka Bhi

Suna Hy Janglon Ka Bhi
Koi Dastor Hota Hy.

Suna Hy,

Shair Ka Jb Pait Bhar
Jay To Wo Hamla Nhi Krta

Suna Hy,

Hawa K Taiz Jhonko Mein,

“MENA” Apne Ghr Ko Bhool
K Kawwy K Andon Ko Pairon
Mein Tham Leti Hy.

Suna Hai,

Ghonslay Se Jb Koi Bacha
Giray To Sara Jungle Jaag
Jata Hy

Suna Hai,

Selab aa Jaye To Lakri K
Takhty Per,
Saanp,Cheeta or Bakri Sath
Hotey Hain.

Munsifo,

Mere Mulk Mein Bhi Ab
Jangalon Ka Hi
Koi Dastoor Le Ao.

Advertisement