Zamane Bhar Ki Nafrat Rasta Roke Kharhi Hai

Zamane Bhar Ki Nafrat Rasta Roke Kharhi Hai
Mohabat Se Shanasai Boht Mehengi Parhi Hai

Hamare Mann May Jhanko Gar To Jano Dil Ki Was’aat
Hamein To Apne Andar Ki Musafat Hi Barhi Hai

Khud Apna Ap B Baqi Nahi Rehta Meri Jan
Kisi Ko Apna Kehne Ki Saza Kitni Karhi Hai

Khuda Jane Ye Kab Toote K Isko Tootna Hai
Wahi Ek Khawab Si Surat Jo Aankho May Jarhi Hai

Shikast Apni Huwi Hai Apne Hatho Hi Magar Ab
Nahi Tasleem Karte Hum To Ye Apni Arhi Hai

Advertisement